اسلام آباد میں بلدیاتی انتخابات کی التوا کا امکان، وفاقی کونسل کے قیام کی تیاریاں شروع

اسلام آباد(جانوڈاٹ پی کے)وفاقی دارالحکومت میں بلدیاتی انتخابات کے التوا کا امکان پیدا ہو گیا ہے کیونکہ اسلام آباد کی ایک سو پچیس یونین کونسلز کو ختم کرکے  لوکل گورنمنٹ سسٹم  کا متبادل نظام لانے کی تیاریاں شروع کردی گئیں۔

ذرائع کے مطابق  احسن اقبال کی صدارت میں قائم اعلی سطح کمیٹی نے مجوزہ نظام پر کام شروع کر دیا  ہے، خصوصی کمیٹی اپنی سفارشات وزیراعظم کو پیش کرے گی ، ایکٹ آف پارلیمنٹ کے تحت وفاقی کونسل کا قیام عمل میں لایا جائے گا، وفاقی کونسل اسلام آباد کے مسائل کے حل کی ذمہ دار ہو گی۔

ذرائع  کے مطابق اسلام آباد  میں 15 سے 20 ارکان پر مشتمل وفاقی کونسل کی تشکیل زیر غور  ہے، کونسل کی الگ اسمبلی ہو گی،انتخاب  الیکشن کے ذریعے  ہو گا ، کونسل مئیر کا انتخاب کرے گی ، وفاقی کونسل بلدیاتی نظام کی جگہ لے گی، چیف کمشنر وفاقی کونسل میں چیف سیکرٹری کے فرائض انجام دیں گے۔