لیبیاکے ساحل پر ایک اور تارکین وطن کی کشتی ڈوب گئی،42افراد لاپتہ،7کو زندہ بچالیاگیا

طرابلس(جانو ڈاٹ پی کے)ایک اور سانحہ پیش آگیا۔لیبیا  کے قریب تارکین وطن کی کشتی حادثے کا شکار ہو گئی ہے جس میں سوار42افراد لاپتہ ہیں جبکہ7افرادکو زندہ بچا لیا گیا۔عالمی خبررساں ادارے کے مطابق کشتی میں49تارکین وطن سوار تھے،7افراد  کو امدادی ٹیموں نے بچالیا، کشتی  3نومبر کو زووَارا شہر سے روانگی کے6گھنٹے بعد  الٹ گئی، کشتی میں  سوڈان، صومالیہ، کیمرون اور نائیجیریا کے باشندے سوار تھے۔