ڈی ایس پی عثمان حیدر ہی بیوی اور بیٹی کا قاتل نکلا،ملزم گرفتار، اعتراف جرم کرلیا
لاہور(جانوڈاٹ پی کے) ڈی ایس پی عثمان حیدر کی بیوی اور بیٹی کے اغوا کا معاملہ حل ہو گیا، ڈی ایس پی ہی بیوی اور بیٹی کا قاتل نکلا۔
پولیس ذرائع کے مطابق پولیس نے ڈی ایس پی عثمان حیدر کو گرفتار کرلیا، عثمان حیدر نے اپنی بیوی اور بیٹی کو مبینہ طور پر فائرنگ کرکے قتل کیا ، اس کے بعد ڈی ایس پی عثمان حیدر نے دونوں کے اغوا کی ایف آئی آر تھانہ برکی میں درج کراوئی۔
ملزم ڈی ایس پی عثمان حیدر نے اعتراف جرم کرلیا، پولیس نے بیٹی کی لاش کاہنہ اور بیوی کی لاش شیخوپورہ سے برآمد کرلی، ڈی ایس پی عثمان حیدر نے گھر یلو ناچاقی پر اپنی بیوی اور بیٹی کو قتل کیا۔
پولیس کے مطابق ڈی ایس پی عثمان حیدر نے دو شادیاں کر رکھی تھیں، مقتولہ عثمان حیدر کی پہلی بیوی تھی، دوسری شادی کے بعد جھگڑے شروع ہو گئے تھے، تفتیش میں مزید حقائق سامنے آئیں گے۔
