کوہاٹ میں پولیس موبائل پر دہشت گردانہ حملہ، ڈی ایس پی سمیت 3 اہلکار شہید

کوہاٹ (جانوڈاٹ پی کے) کوہاٹ کے نواحی علاقے شکردرہ میں پولیس موبائل پر فائرنگ کے نتیجے میں ڈی ایس پی واحد محمود سمیت 3 اہلکار شہید اور 4 زخمی ہو گئے۔

پولیس حکام کے مطابق حملہ دہشت گردانہ نوعیت کا تھا، جس کے بعد دہشت گردوں نے پولیس موبائل کو آگ لگا کر موقع سے فرار حاصل کر لیا۔ زخمی اہلکاروں کو فوری طور پر ہسپتال منتقل کر دیا گیا۔

ڈی پی او نے تصدیق کرتے ہوئے بتایا کہ پولیس کی بھاری نفری فوری طور پر موقع پر طلب کر لی گئی ہے تاکہ علاقے کو محاصرہ کر کے دہشت گردوں کی گرفتاری ممکن ہو سکے۔

اس واقعے نے صوبے میں سیکیورٹی صورتحال کے حوالے سے تشویش بڑھا دی ہے اور پولیس اہلکاروں کی حفاظت کے اقدامات پر بھی سوالات اٹھا دیے ہیں۔