فوجی اور سویلین قیادت کے تعاون میں پہلے ایسی تبدیلی کبھی نہیں آئی، خواجہ آصف

اسلام آباد(جانوڈاٹ پی کے)وزیرِ دفاع خواجہ آصف نے کہا ہے کہ واشنگٹن میں پاکستان کی خارجہ پالیسیوں کا اثر نظر آ رہا ہے اور پاکستان نے دنیا پر واضح کر دیا کہ 5 گنا بڑے دشمن پر برتری ہے۔

نجی ٹی وی سے گفتگو کرتے ہوئے وزیر دفاع نے کہا کہ  افغانستان پاکستان میں دہشتگردی کو ایکسپورٹ کر رہا ہے، دہشتگردی کیخلاف دنیا پاکستان کے ساتھ کھڑی ہے،  پاکستان دہشتگردی کیخلاف جنگ میں فرنٹ لائن اسٹیٹ ہے، ہماری افواج نے قوم کو فتح سے اعتماد دیا، سویلین حکومت اور فوجی قیادت ملک کو مشکلات سے نکالنا چاہتی  ہے، پاکستان پر دہشتگردی کا لیبل لگتا تھا، اب پاکستان کو سراہا جا رہا ہے، پاکستان کیلئے تعاون کی نئی راہیں کھلی ہیں، فوجی اور سویلین قیادت کے تعاون میں پہلے ایسی تبدیلی کبھی نہیں آئی۔