لانڈھی ایکسپورٹ پراسیسنگ زون میں لگی آگ پر قابو پا لیا گیا، کولنگ کا عمل جاری

کراچی(جانوڈاٹ پی کے)فائربریگیڈ نے لانڈھی ایکسپورٹ پراسیسنگ زون میں فیکٹری میں لگی آگ پر قابو پا لیاہے جس کے بعد کولنگ کا عمل شروع کر دیا گیاہے ۔

ترجمان ایکسپورٹ پروسیسنگ زون کے مطابق  شام 5 بج کر 13 منٹ پر آگ لگنے کی اطلاع ملی، بد قسمتی سے مسلسل یہاں آگ لگ رہی ہے ، لنڈے کی فیکری کے گودام میں آگ لگی، جس وقت یہ واقعہ ہوا ورکرز کی چھٹی ہو چکی تھی ، اس سال ایکسپورٹ پروسیسنگ زون میں آگ لگنے کے چھ سے سات واقعات پیش آئے ہیں۔

فائربریگیڈ حکام کے مطابق کولنگ کے عمل میں دو سے تین گھنٹے لگیں گے ، آپریشن میں کے ایم سی ، 1122 اور زون کے فائر ٹینڈر اور سنارکل سمیت 13 گاڑیوں نے حصہ لیا، آگ دو منزلہ زیڈ اے انٹرپرائز نامی فیکٹری کی چھت پر لگی تھی، لفٹ میں شارٹ سرکٹ کے باعث لگی تھی، لاکھوں روپے مالیت کا تیار لنڈے کا سامان جل کر خاستر ہو گیا، آگ لگنے سے کوئی جانی نقصان نہیں ہوا ۔