کراچی چیمبر کا گل پلازہ سانحہ پر جوڈیشل کمیشن اور متاثرین کے لیے فنڈ کے قیام کا مطالبہ

کراچی(جانوڈاٹ پی کے)کراچی چیمبر آف کامرس نے سانحہ گل پلازہ پر منصفانہ تحقیقات کا مطالبہ کر دیا ہے۔

صدر کراچی چیمبر ریحان حنیف نے کہا کہ گل پلازہ کی تحقیقات کے لیے جوڈیشل کمیشن بنایا جائے تاکہ یہ جانچا جا سکے کہ عمارت میں فائر سیفٹی اقدامات، ایگزیٹس اور فائربریگیڈ کی مطلوبہ استعداد موجود تھی یا نہیں۔

ریحان حنیف نے مزید کہا کہ یہ بھی دیکھا جائے کہ فائرمینز کے پاس ضروری کٹس اور سہولیات موجود تھیں یا نہیں، اور یہ تمام سوالات کمیشن کے ذریعے واضح کیے جا سکیں گے۔

انہوں نے زور دیا کہ گل پلازہ کے متاثرین کی بحالی کے لیے فوری طور پر ایک فنڈ قائم کیا جائے تاکہ متاثرین کے نقصانات کا ازالہ ممکن بنایا جا سکے۔