کراچی: کورنگی بنگالی پاڑہ میں ٹینکر کی ٹکر سے 12 سالہ بچہ جاں بحق

کراچی(جانوڈاٹ پی کے) کراچی کے علاقے کورنگی 100 کوارٹر بنگالی پاڑہ میں ٹینکر کی ٹکر سے 12 سالہ بچہ جاں بحق ہوگیا۔

پولیس کے مطابق متوفی فرحان کی نعش کو ہسپتال منتقل کر دیا گیا ہے، حادثے کے بعد ٹینکر ڈرائیور موقع سے فرار ہوگیا، جس کی تلاش جاری ہے، جبکہ ٹینکر کو تحویل میں لے لیا گیا ہے۔

ریسکیو حکام کا کہنا ہے کہ کراچی میں رواں سال ہیوی گاڑیوں کی ٹکر سے جاں بحق ہونے والوں کی تعداد 245 ہو گئی۔