میراسر شرم سے جھک گیا،جاوید اختر طالبان وزیر خارجہ کے بھارت میں استقبال پر آگ بگولہ

نئی دہلی(نیٹ نیوز)بھارتی نغمہ نگارجاوید اختر نے افغان طالبان کے وزیرِ خارجہ امیر خان متقی کو بھارت میں دیے گئے ’استقبال‘ پر شدید ردِعمل ظاہر کرتے ہوئے کہا ہے کہ ’شرمندگی سے ان کا سر جھک گیا ہے۔افغانستان کے وزیر خارجہ امیر خان متقی چھ روزہ دورے پر بھارت میں موجود ہیں،جو2021میں طالبان کے دوبارہ اقتدار میں آنے کے بعد کسی طالبان رہنما کا بھارت کا پہلا سرکاری دورہ ہے۔جاویداختر نے کہا کہ مجھے شرم آتی ہے جب میں دیکھتا ہوں کہ دنیا کے بدترین دہشتگرد گروہ طالبان کے نمائندے کو ان ہی لوگوں کی جانب سے عزت و احترام دیا جا رہا ہے جو ہر قسم کی دہشت گردی کے خلاف تقریریں کرتے ہیں۔