وزیراعلیٰ پنجاب مریم نوازکے صاحبزادے جنید صفدر کی شادی کی تاریخ طے پا گئی

لاہور(مانیٹرنگ ڈیسک) سابق وزیر اعظم اور مسلم لیگ (ن) کے صدر میاں محمد نواز شریف کے نواسی اور وزیراعلیٰ پنجاب مریم نواز کے صاحبزادے جنید صفدر کی شادی کی تاریخ طے پا گئی ہے۔

وزیراعلی پنجاب مریم نواز کےصاحبزادے جنید صفدر کی شادی کی تیاری زور وشور سے جاری ہیں،جنید صفدرکی ہونے والی اہلیہ شانزے شیخ روحیل اصغر کی پوتی ہیں۔

نجی ٹی وی کے مطابق مسلم لیگ ن کےرہنما شیخ روحیل اصغر نےاس حوالے سے بتایا ہےکہ شادی سولہ، سترہ اور اٹھارہ جنوری کو طے پائی ہے،مریم نوازاپنی بڑی بیٹی اور داماد راحیل منیر کےساتھ رشتہ لیکرآئے تھے،جب بیٹے نے بتایاتومیں نے کہاکہ یہ توخوشی کی بات ہے،میاں نوازشریف نےباضابطہ ہمیں کھانےپرگھربلایا،میری اہلیہ میاں نواز شریف اور مریم نوازکی مہان داری سےبہت متاثرہوئیں،میری اہلیہ، بہواورمریم نوازنےبیٹھ کرشادی کے معاملات طے کیے،یہ رشتہ دوماہ پہلےطےپایاہے۔

شیخ روحیل اصغر کے مطابق مہندی کی مشترکہ رسم جاتی عمرہ میں ادا کی جائے گی،ولیمہ بھی جاتی عمرہ میں کیاجائےگا،مریم نوازکی صاحبزادی ماہ نورکی میری پوتی شانزے سےدوستی ہے،شادی پر صرف قریبی رشتہ داروں کو مدعوکیا جارہاہے۔