غزہ میں نیتن یاہو کے حکم پر حملوں کی نئی لہر، 15 فلسطینی شہید، 50 زخمی

غزہ (مانیٹرنگ ڈیسک) غزہ میں اسرائیل کے فضائی حملوں میں اب تک کی تازہ ترین اطلاعات کے مطابق 15 فلسطینی شہید اور 50 زخمی ہوگئے

غیر ملکی میڈیا کے مطابق اسرائیلی وزیر اعظم  نیتن یاہو کے حکم پر جنگ بندی معاہدے کی دھجیاں اڑاتے ہوئے حملوں کی نئی لہر کا آغاز کیاگیا ہے

اسرائیلی فوج نے غزہ پر دوبارہ فضائی حملے کر دیئے ہیں،اب تک کی اطلاعات کے مطابق 15 فلسطینی شہید اور 50 زخمی ہوگئے، رفاہ، خان یونس اور دیر البلاح میں بھی بارود کی برسات کر دی گئی ہے۔

اسرائیلی وزیراعظم نے غزہ میں طاقتور فوجی کارروائیوں کا حکم دیا تھا، نیتن یاہو نے حماس پر جنگ بندی معاہدے کی خلاف ورزی کا الزام لگایا، القسام بریگیڈز نے اسرائیلی قیدی کی لاش حوالے کرنے کا عمل مؤخر کر دیا تھا۔

حماس کا کہنا تھا کہ لاشوں کی حوالگی میں تاخیر کی وجہ اسرائیلی کی خلاف ورزیاں ہیں، حماس اسرائیلی حملوں کے باوجود جنگ بندی معاہدے کیلئے پرعزم ہے، لاشوں کی تلاش کیلئے بھاری سازوسامان فراہم کیا جائے، ثالثوں سے کہتے ہیں وہ حملے روکنے کیلئے اسرائیل پر دباؤ ڈالیں۔