غزہ:اسرائیلی فوجی اپنے ہی ساتھیوں کی فائرنگ سے ہلاک

غزہ(جانوڈاٹ پی کے)جنوبی غزہ کے میں تعینات ایک اسرائیلی فوجی اپنے ہی ساتھیوں کی فائرنگ سے ہلاک ہوگیا۔

اسرائیلی میڈیا کے مطابق  ہلاک ہونے والے اسرائیلی فوجی کی شناخت اسٹاف سارجنٹ اوفری یافے  کے نام سے ہوئی ہے جو پیراٹروپرز بریگیڈ کے ریکونسنس یونٹ  میں شامل تھا۔

اسرائیلی فوج کے مطابق اسرائیلی فوجی اپنے ہی ساتھیوں کی فائرنگ سے ہلاک ہوا تاہم اس حوالے سے مزید تحقیقات کی جارہی ہیں۔

خیال رہے کہ اکتوبر 2023 سے غزہ میں جاری اسرائیلی جارحیت کے نتیجے میں اب تک 300 سے زائد اسرائیلی فوجی ہلاک ہوچکے ہیں۔