ڈیرہ بگٹی میں آپریشن،5بھارتی حمایت یافتہ دہشتگرد ہلاک،ملک سے دہشتگردی کے خاتمے کیلئے پر عزم ہیں،پاک فوج

راولپنڈی(جانو ڈاٹ پی کے)سیکیورٹی فورسز نے ڈیرہ بگٹی میں خفیہ اطلاعات پر کیئے گئے آپریشن میں5بھارتی حمایت یافتہ دہشتگرد ہلاک کر دیئے۔

آئی ایس پی آر کے مطابق دہشتگر د سکیورٹی فورسز سے فائرنگ کے تبادلے میں ہلاک ہوئے جن کے قبضہ سے اسلحہ اور گولہ بارود برآمد کیا گیاہے،ہلاک دہشتگرد دہشتگردی کی متعدد کارروائیوں میں ملو ث تھے۔علاقے میں دہشتگردوں کے خاتمے کیلئے کلیئرنس آپریشن جاری ہے۔

خیبر پختونخوا کےمختلف علاقوں میں سکیورٹی فورسزکی دو الگ الگ کارروائیوں میں بھارتی حمایت یافتہ9خوارج کو ہلاک کردیا گیا۔ ٹانک اورلکی مروت میں خفیہ اطلاعات پرآپریشنزکیےگئے،ٹانک میں سیکیورٹی فورسز کےساتھ شدید جھڑپ میں7دہشتگرد جہنم واصل ہوئے، اسی نوعیت کی دوسری کارروائی لکی مروت میں کی گئی جہاں2خوارج کومنطقی انجام تک پہنچا دیاگیا،ہلاک دہشت گرد بھارتی حمایت یافتہ تھے۔

آئی ایس پی آر کےمطابق مارے جانے والے خوارج سیکیورٹی فورسز،قانون نافذکرنے والے اداروں اوربےگناہ شہریوں کےخلاف متعددکارروائیوں میں ملوث رہے،دہشتگردوں کےخلاف کارروائیوں کے دوران بھاری مقدار میں اسلحہ اور گولہ بارود بھی برآمد ہوا،سیکیورٹی فورسز ملک سےدہشتگردی کے مکمل خاتمے کیلئے پرعزم ہیں۔