اسلام آباد میں رہائش پذیر غیر مقامی افراد کیلئے وارننگ!
اسلام آباد(جانوڈاٹ پی کے)اسلام آباد میں رہائش پذیر غیر مقامی افراد کیلئے وارننگ جاری کردی گئی۔
حکامِ انتظامیہ کی جانب سے شہریوں کو ہدایت جاری کی گئی ہے کہ وہ غیر ضروری طور پر گھروں سے باہر نکلنے سے گریز کریں، خصوصاً وہ افراد جو دیگر علاقوں سے تعلق رکھتے ہیں اور وفاقی دارالحکومت میں قیام پذیر ہیں۔
یہ وارننگ سیکیورٹی خدشات اور موجودہ صورتحال کے پیشِ نظر جاری کی گئی ہے۔انتظامیہ کے مطابق، شہر میں امن و امان کی صورتحال کو برقرار رکھنے کے لیے سخت اقدامات کیے جا رہے ہیں۔قانون نافذ کرنے والے ادارے مختلف علاقوں میں گشت بڑھا چکے ہیں اور مشتبہ سرگرمیوں پر کڑی نظر رکھی جا رہی ہے۔شہریوں سے اپیل کی گئی ہے کہ وہ حکومتی ہدایات پر مکمل عمل کریں اور کسی بھی افواہ پر کان نہ دھریں۔
مزید برآں دیگر شہروں یا علاقوں سے آئے ہوئے افراد کو خاص طور پر احتیاط برتنے اور غیر ضروری نقل و حرکت سے بچنے کا مشورہ دیا گیا ہے۔کسی بھی ہنگامی صورتحال میں قریبی پولیس اسٹیشن یا متعلقہ اداروں سے فوری رابطہ کرنے کی ہدایت بھی دی گئی ہے۔حکام کا کہنا ہے کہ یہ اقدامات عوام کی حفاظت کو یقینی بنانے کے لیے کیے جا رہے ہیں، اور شہریوں کا تعاون اس ضمن میں نہایت اہم ہے۔
