پاک بھارت مقابلہ اب بڑا میچ نہیں رہا، یہ وہ پاکستان نہیں جو میانداد، وسیم اکرم کے وقت ہوتا تھا: گنگولی

ممبئی(جانوڈاٹ پی کے)بھارت کے سابق کپتان سارو گنگولی نے پاک بھارت میچ پر تبصرہ کرتے ہوئے کہا کہ یہ میچ اب بڑا میچ نہیں ہوتا۔

گزشتہ اتوار پاکستان اور بھارت کے درمیان آئی سی سی ٹی ٹوئنٹی ورلڈکپ کا میچ ہوا جس میں بھارت نے پاکستان کو 61 رنز سے باآسانی شکست دی۔

اس میچ پر تبصرہ کرتے ہوئے سارو گنگولی نے کہا کہ ‘پاکستان انڈیا اب بڑا میچ نہیں رہا، ہم غلطی کرتے ہیں کہ پاکستان کو جاوید میانداد، سعید انور، وسیم اکرم اور انضمام والی ٹیم سمجھتے ہیں جو کہ اب نہیں ہے’۔

گنگولی نے کہا کہ ‘اب انڈیا آسٹریلیا، انڈیا انگلینڈ اور انڈیا ساؤتھ افریقا یہ بڑے میچ ہیں، دونوں ٹیموں میں کوالٹی کا بہت فرق ہے’۔

سابق کپتان نے کہا کہ ظاہر ہے ‘جب ٹیم ویسی نہیں رہی تو نتیجے کا بہت فرق ہوتا ہے’۔