بھارتی بندر نے پاکستانیوں کوڈونگہ بونگہ میں”تگنی کاناچ”نچادیا

لاہور(جانو ڈاٹ پی کے)بھارتی بندر نے پاکستانیوں کو ڈونگہ بونگہ میں تگنی کا ناچ نچادیا۔سرحد پار سے آیابھارتی بندر چار روز سے منڈی مدرسہ کے علاقے ڈونگہ بونگہ میں خوف کی علامت بنا ہوا ہے۔بندر گھروں کی چھتوں اور درختوں پر اچھل کود کرتا نظر آتا ہے،جس کے باعث شہری حیران و پریشان ہیں۔ کئی مقامی افراد نے بندر کی ویڈیوز بنا کر سوشل میڈیا پر بھی شیئر کی ہیں۔

محکمہ وائلڈ لائف کے ذرائع کے مطابق بھارتی حدود سے آئے اس بندر کو پکڑنے کے لیے رینجرزاوروائلڈ لائف ٹیمیں گزشتہ چار روز سے کوششوں میں مصروف ہیں تاہم اب تک بندر کو قابو نہیں کیا جا سکا۔

وائلڈ لائف حکام نے شہریوں کو ہدایت کی ہے کہ بندر کے قریب نہ جائیں اور فوراً اطلاع دیں تاکہ اسے محفوظ طریقے سے پکڑ کر جنگل میں واپس چھوڑا جا سکے۔