وفاقی حکومت کا عمران خان کی آنکھ کا علاج ہسپتال میں کرانے کا اعلان

اسلام آباد(جانوڈاٹ پی کے)وفاقی وزیر اطلاعات عطا اللہ تارڑ نے پاکستان تحریک انصاف (پی ٹی آئی) کے بانی چیئرمین اور سابق وزیراعظم عمران خان کی آنکھ کا علاج خصوصی ہسپتال میں ماہرین چشم سے کرانے کا اعلان کردیا۔

وفاقی وزیر اطلاعات عطااللہ تارڑ نے کہا کہ ‘عمران خان کی آنکھ کے جاری علاج کے تسلسل میں مزید معائنہ اورعلاج ایک خصوصی طبی ادارے میں ماہرین امراضِ چشم کریں گے۔۔انہوں نے بتایا کہ اس کی تفصیلی رپورٹ بھی سپریم کورٹ میں جمع کرائی جائے گی۔

وزیراطلاعات عطا اللہ تارڑ نے کہا کہ اس معاملے پر قیاس آرائیوں بے بنیاد خبروں اور ذاتی مفاد کے لیے اسے سیاسی رنگ دینے کی کوششوں سے گریز کیا جائے۔قبل ازیں اڈیالہ جیل میں قید عمران خان کی ان کے بیٹوں سے فون پر بات بھی کرادی گئی ہے۔

عمران خان کی آنکھ کے جاری علاج کے تسلسل میں مزید معائنہ اور علاج ایک خصوصی طبی ادارے میں ماہرینِ امراضِ چشم کریں گے۔ اِس کی تفصیلی رپورٹ بھی سپریم کورٹ میں جمع کرائی جائے گی۔ اس معاملے پر قیاس آرائیوں، بے بنیاد خبروں اور ذاتی مفاد کے لیے اسے سیاسی رنگ دینے کی کوششوں سے گریز کیا…

— Attaullah Tarar (@TararAttaullah) February 14, 2026