امریکا نے اخوان المسلمین کو دہشتگرد تنظیم قرار دیدیا

واشنگٹن(جانوڈاٹ پی کے)امریکا نے مصر، لبنان اور اردن میں سرگرم اخوان المسلمین کو دہشت گرد تنظیم قرار دے دیا۔

امریکی وزیر خارجہ مارکو روبیو کا کہنا ہے کہ  اخوان المسلمین کو دہشت گرد تنظیم قرار دینے کا مقصد اخوان کی تشدد،  عدم استحکام کی کوششوں کو ناکام بنانا ہے۔

مارکوروبیو نے کہا کہ امریکا اخوان المسلمین کے مالی وسائل روکنے کے تمام ذرائع استعمال کرے گا۔

امریکی میڈیا کا کہنا ہے کہ امریکی اقدام کے بعد اخوان المسلمین کو دی جانے والی مالی معاونت غیر قانونی ہوگی۔

امریکی میڈیا کے مطابق  اخوان المسلمین کے ارکان پر امریکا میں داخلے پر  بھی پابندی ہوگی۔