ہانگ کانگ سپر سکسز،بارش نے بھارت کو پاکستان کیخلاف شکست سے بچالیا

ہانگ کانگ(سپورٹس ڈیسک)ہانگ کانگ سکسز میں بارش نے بھارت کو پاکستان کیخلاف شکست سے بچالیا۔پاکستان نے ٹاس جیت کر بھارت کو پہلے بیٹنگ کرنے کی دعوت دی۔بھارت نے مقررہ6اوورز میں4وکٹوں کے نقصان پر86رنز بنائے۔ اتھاپا28اور چپلی24رنز بناکر نمایاں رہے۔پاکستان کی جانب سے محمد شہزاد نے2اور عبدالصمد نے ایک وکٹ حاصل کی۔ہدف کے تعاقب میں پاکستان نے3اوورز میں ایک وکٹ کے نقصان پر41رنز بنالیے تھے کہ بارش کے باعث میچ روکنا پڑا۔مسلسل بارش کے باعث میچ دوبارہ شروع نہ کیا جاسکا اور ڈک ورتھ لوئس میتھڈ کے تحت بھارت 2 رنز سے فاتح قرار پایا۔