ہانگ کانگ سکسز ٹورنامنٹ: عباس آفریدی قومی ٹیم کے کپتان مقرر

لاہور(جانوڈاٹ پی کے)پاکستان کرکٹ بورڈ (پی سی بی) نےہانگ کانگ سکسز کرکٹ ٹورنامنٹ کیلئے قومی اسکواڈ کا اعلان کردیا ہے۔ آل راؤنڈر عباس آفریدی ٹورنامنٹ میں قومی ٹیم کی قیادت کریں گے۔

یہ ایونٹ 7 سے 9 نومبر تک ہانگ کانگ کے ٹن کُوانگ روڈ ریکریشن گراؤنڈ میں منعقد ہوگا۔

ٹورنامنٹ میں 12 ٹیمیں حصہ لے رہی ہیں جنہیں 4 گروپوں میں تقسیم کیا گیا ہے، ہر گروپ میں 3،3 ٹیمیں شامل ہیں۔

پاکستان کو پول سی میں رکھا گیا ہے، اور قومی ٹیم اپنے گروپ کے تمام میچز جمعہ 7 نومبر کو کھیلے گی۔

ٹورنامنٹ میں شرکت کے لیے قومی اسکواڈ 5 نومبر کو ہانگ کانگ روانہ ہوگا۔

پاکستان کے اسکواڈ میں عباس آفریدی (کپتان)، عبدالصمد، خواجہ محمد نفی، معاز صداقت، محمد شہزاد، سعد مسعود اور شاہد عزیز شامل ہوں گے۔