ہاتھ نہ ملانااحمقانہ فعل!

ممبئی(جانوڈاٹ پی کے)بھارت کے مایہ ناز کرکٹر نے بھی بھارت کے ہینڈ شیک نہ کرنے کے اقدام کو احمقانہ قرار دیدیا۔

بھارت کے سابق مایہ ناز کرکٹر اور کمنٹیٹر سنجے منجریکر نے بھی پاکستانی کھلاڑیوں سے ہینڈ شیک نہ کرنے کے بی سی سی آئی کے فیصلے کو احمقانہ قرار دیدیا۔

بھارت نے کافی عرصے سے انٹرنیشنل میچز میں پاکستانی کھلاڑیوں سے ہینڈ شیک نہ کرنے کی پالیسی اپنا رکھی ہے۔اس حوالے سے بھارت کو ناصرف اندرون ملک بلکہ بیرون ملک سے بھی تنقیدکا سامنا ہے۔اب سابق بھارتی آل راؤنڈر سنجے منجریکر نے بھی سوشل میڈیا پر ایک بیان میں اپنے بورڈ کے فیصلے کو آڑے ہاتھوں لیتے ہوئے اس پر آواز اٹھائی ہے۔سنجے منجریکر نے ایکس اکاؤنٹ پر لکھا بھارت نے جو "ہاتھ نہ ملانے” والی حرکت شروع کی ہے یہ بڑی احمقانہ ہے، یہ ہمارے جیسے ملک کے شایانِ شان نہیں ہے۔سابق بھارتی ٹیسٹ کرکٹر نے مزید لکھا یا تو بھارت کھیل کے اصل جذبے کے مطابق ٹھیک طرح سے کھیلے، یا پھر کھیلے ہی نا۔

This ‘no shaking hands’ is such a silly thing that India has started. It’s unbecoming of a nation like ours. Either play properly within the spirit of the game or don’t play at all.

— Sanjay Manjrekar (@sanjaymanjrekar) February 15, 2026