ہالا پولیس نے چند روز قبل ساڑھے16لاکھ ڈکیتی کے ملزم پکڑ لئے

ہالا(رپورٹ:امجد راجپوت/جانوڈاٹ پی کے)ہالا پولیس نے چند روز قبل ساڑھے 16لاکھ روپے کی ڈکیتی میں ملوث ملزمان کو گرفتار کرنے کا دعویٰ کیا ہے۔ اس حوالے سے ڈی ایس پی ہالا محمد یعقوب برڑو، ایس ایچ او ہالا کرم علی عمرانی اور ایس ایچ او ہالا پرانا حفیظ رند نے ہنگامی پریس کانفرنس کرتے ہوئے بتایا کہ چند روز قبل شہدادپور چوک کے قریب تاجر ستیوان کے منیجر صاحب خاصخیلی سے ساڑھے سولہ لاکھ روپے نقد چھین کر انہیں گولی مار کر زخمی کرنے کے واقعے میں ملوث تین ملزمان ایاز چنڈ، رانو باگراںی اور نوید چانڈیو کو جدید ٹیکنالوجی کی مدد سے گرفتار کر لیا گیا ہے، جبکہ ایک ملزم شان ماچھی فرار ہو گیا ہے۔

پولیس کے مطابق گرفتار ملزمان کے قبضے سے ڈکیتی کی گئی ساڑھے تیرہ لاکھ روپے نقد رقم، واردات میں استعمال ہونے والا اسلحہ اور موٹر سائیکل بھی برآمد کر لی گئی ہے۔ پولیس حکام کا کہنا تھا کہ گرفتار ملزمان ایک بڑے بین الصوبائی گروہ سے تعلق رکھتے ہیں جو مختلف شہروں میں موٹر سائیکل اور گھروں میں ڈکیتی کی وارداتیں کرتے رہے ہیں۔

انہوں نے مزید کہا کہ ملزمان کے مزید جرائم کے ریکارڈ کے لیے تحقیقات جاری ہیں اور عوام کے جان و مال کا تحفظ پولیس کی اولین ترجیح ہے۔

اس موقع پر عبدالجبار راجپوت، سید نصیر احمد شاہ، بہار ارباب اور دیگر افراد بھی موجود تھے۔