ٹائی ٹینک میں سوار جوڑے کی سونے کی نایاب گھڑی تاریخ کی مہنگی تارین بن گئی

لندن(جانو ڈاٹ پی کے)ٹائی ٹینک کے بزرگ مسافر جوڑے سے برآمد سونے کی گھڑی نیلامی کیلئے پیش کی گئی، جہاں اس نے قیمت کے تمام سابقہ ریکارڈ توڑ دیے۔جیب میں رکھنے والی یہ نایاب سونے کی گھڑی 3.61 ملین آسٹریلوی ڈالرز میں فروخت ہوئی، جو ٹائی ٹینک سے متعلق کسی بھی یادگار شے کیلئے اب تک ادا کی جانے والی سب سے بڑی رقم ہے۔

اس سے قبل گزشتہ سال ایک اور سونے کی گھڑی، جو اُس جہاز کے کپتان کو دی گئی تھی جس نے ٹائی ٹینک کے700سے زائد مسافروں کو بچایا تھا،3.16ملین آسٹریلوی ڈالرز میں نیلام ہوئی تھی۔نیلام کنندگان کے مطابق ٹائی ٹینک سے متعلق تاریخی اشیا کے شوقین افراد کے لیے یہ گھڑی انتہائی قیمتی اہمیت رکھتی ہے۔