سونا اور چاندی کی قیمتیں تاریخی سطحوں پر پہنچ گئیں، مقامی اور عالمی مارکیٹ میں ریکارڈ اضافہ

کراچی(جانوڈاٹ پی کے) عالمی و مقامی سطح پر سونے اور چاندی کی قیمتوں نے نئے ریکارڈ قائم کر دیے ہیں۔

آل صرافہ بازار ایسوسی ایشن کے مطابق مقامی مارکیٹ میں 24 قیراط فی تولہ سونا 4,300 روپے کے اضافے سے پہلی بار 4 لاکھ 86 ہزار 162 روپے تک پہنچ گیا۔ 10 گرام سونا 3,687 روپے بڑھ کر پہلی بار 4 لاکھ 16 ہزار 805 روپے کی بلند سطح عبور کر گیا۔

چاندی کی قیمت میں بھی نمایاں اضافہ دیکھنے میں آیا، 24 قیراط فی تولہ چاندی 500 روپے اضافے کے بعد پہلی بار 9,575 روپے کی بلند ترین سطح پر پہنچ گئی۔

عالمی مارکیٹ میں فی اونس سونا 43 ڈالر اضافے کے ساتھ تاریخ میں پہلی بار 4,638 ڈالر کی سطح عبور کر گیا۔ ماہرین کا کہنا ہے کہ عالمی سطح پر سرمایہ کار سونے اور چاندی کو محفوظ سرمایہ کاری سمجھتے ہیں، جس کی وجہ سے مارکیٹ میں ریکارڈ اضافہ دیکھنے میں آیا۔