غزہ میں فلسطینیوں کی امداد’’ہڑپنے‘‘والا اسرائیلی نواز’’لُٹیرا‘‘واصل جہنم
غزہ(جانو ڈاٹ پی کے)غزہ میں اسرائیل نواز جرائم پیشہ گینگ کا سرغنہ یاسر ابو شباب ہلاک ہوگیا۔
یاسر ابو شباب اسرائیل کیساتھ ملکر حماس کیخلاف کام کرنے اور انسانی امداد لوٹنے میں ملوث تھا،متعدد اسرائیلی میڈیا اداروں نے بھی اس کی ہلاکت کی تصدیق کردی ہے۔یاسر ابو شباب کی موت غزہ کے مقامی قبائل کے ساتھ جھڑپوں میں ہوئی اور بعد میں اسے جنوبی اسرائیل کے ساروکا میڈیکل سینٹر لے جاگیا جہاں ڈاکٹروں نے اس کی موت کی تصدیق کی۔یاسر ابو شباب غزہ میں جاری جنگ کے دوران ایک بدنام نام بن گیا تھا،اس کے گروہ ’پاپولر فورسز‘ پر الزام تھا کہ وہ غزہ میں داخل ہونے والی امداد چوری کر لیتے تھے۔یاسر ابو شباب پر غزہ سے فلسطینیوں کو اغوا کرنے اور اسرائیلی فوج کے حوالے کرنے کا بھی الزام تھا۔
صحافی کے مطابق یاسر ابو شباب اور اس کا گروہ غزہ میں منشیات کی اسمگلنگ اور امداد کی لوٹ مار میں ملوث ہونے کی وجہ سے بدنام تھا۔غزہ میں حماس سے منسلک سکیورٹی فورس رداع نے سماجی رابطے کے پلیٹ فارم ٹیلیگرام پر یاسر ابو شباب کی ایک تصویر شیئر کی جس کے ساتھ لکھا تھا کہ ’جیسا کہ ہم نے کہا تھا۔۔۔اسرائیل تمہاری حفاظت نہیں کرے گا۔رپورٹس کے مطابق یاسر ابو شباب کو اس سے پہلے بھی حماس نے منشیات کے مقدمات میں جیل بھیجا تھا۔
