بھارت میں فراڈیوں نے کرس گیل کو چونا لگادیا

سرینگر(نیٹ نیوز)مقبوضہ کشمیر میں کرکٹ کے نام  پر انٹرنیشنل کھلاڑیوں کے ساتھ فراڈ کا واقعہ پیش آیاہے۔انڈین ہیون پریمیئرلیگ (آئی ایچ پی ایل) کے نام سے ٹورنامنٹ میں بین الاقوامی کھلاڑیوں کو مدعو کیا گیا جبکہ شان مارش اور شکیب الحسن نے مدعوکرنےکے باوجود ٹورنامنٹ میں شرکت سے انکار کردیا۔کھلاڑیوں کو پیسوں کی ادائیگی نہ ہونےکی وجہ سےٹورنامنٹ ملتوی کرنا پڑگیا جبکہ  ٹورنامنٹ کی انتظامیہ اورلیگ کے مالکان پیسے دیے بغیر راتوں رات غائب ہوگئے جس کے باعث  ویسٹ انڈیزکےکرس گیل بھی ٹورنامنٹ بیچ میں چھوڑکر چلےگئے۔مقبوضہ کشمیرکےبخشی سٹیڈیم میں پہلےچند میچزکے انعقاد کے بعد حالات خراب ہوئے تاہم پولیس نے معاملےکی تحقیقات کا آغازکردیا ہے۔انڈین ہیون پریمیئرلیگ25 اکتوبر سے8نومبر تک کھیلی جانی تھی جس میں کھلاڑیوں کے ساتھ امپائرز اور ہوٹل مالکان کوبھی ادائیگی نہیں ہوئی۔جموں کشمیرکرکٹ ایسوسی ایشن جےکے اسپورٹس کونسل کے حکام نے ٹورنامنٹ سےلاتعلقی کا اظہارکیا ہے۔