بیلہ میں 4 کلومیٹر کارپٹ روڈ کا افتتاح، سیلاب متاثرہ علاقوں میں سڑکوں کی بحالی حکومت کی اولین ترجیح ہے، بلال فاروق تارڑ

وزیرآباد(جانوڈاٹ پی کے) سیلاب متاثرہ علاقہ جات میں مواصلات کے نظام کی بحالی حکومت پنجاب کی اولین ترجیحات میں شامل ہے ،پنجاب بھر میں ترقیاتی منصوبوں کا آغاز اور تعمیراتی کاموں کا افتتاح ہو رہا ہے لیکن وزیر اعلی پنجاب کی جانب سے سیلاب متاثرہ علاقہ جات میں سڑکوں کی بحالی کو فوقیت دی جا رہی ہے ان خیالات کا اظہار ایم این اے بیرسٹر بلال فاروق تارڑ،ایم پی اے وقار احمد چیمہ نے بیلہ کے علاقہ رانا گاؤں میں سوہدرہ تا بہرام 4 کلومیٹر کارپٹ روڈ کی تعمیر کی افتتاحی تقریب میں خطاب کرتے ہوے کیا جس کا اہتمام چوہدری اعظم اکبر گھمن ،چوہدری مبارک اکبر گھمن اور امیدوار برائے چیئرمین فیاض اکبر گھمن نے کیا تھا۔اس موقع پر رکن قومی اسمبلی بیرسٹر بلال فاروق تارڑ نے کہا کہ سیلاب کے ایام میں حکومت پنجاب نے سیلاب متاثرین کی بحالی کے لیے مثالی اقدامات کیے ،بجلی کے بلوں میں ریلیف ،راشن کی فراہمی ،جانوروں کے لیے ونڈا ،فصلوں اور مویشیوں کے نقصانات کا تخمینہ و امدادی پیکج تک فراہم کیے ۔وزیر اعلی مریم نواز کی ہدایات کے عین مطابق ترقیاتی فنڈز میں ہم نے سیلاب متاثرہ علاقہ جات کے انفراسٹرکچر کی بحالی کو فوقیت و ترجیح دی ہے آئندہ بھی ترقیاتی فنڈز میں سب سے پہلے بیلہ اور سیلاب متاثرہ علاقہ جات میں ترقیاتی منصوبوں کے لیے فنڈز مختص کیے جائیں گے ایم پی اے وقار احمد چیمہ نے کہا کہ چوہدری بلال فاروق تارڑ ایم این اے اور میں خود بیلہ کے دیہی علاقہ جات کی ایک ایک سڑک کی بحالی و تعمیر نو کے لیے ہر ممکن فنڈز فراہم کریں گے کوشش ہو گی کہ بیلہ کے شمالی جانب بند کی تعمیر کروا کر اس علاقہ کو ہمیشہ کے لیے سیلاب سے محفوظ بنائیں انہوں نے بتایا کہ ابتدائی طور پر 5 کروڑ 72 لاکھ روپے کی لاگت سے 4 کلو میٹر طویل سڑک سوہدرہ سے بہرام تک اور آئندہ اسلام گڑھ سے لویری والا اور سوہدرہ تک ،رانا بہرام سے نوگراں ،پاتوکے ناہر کے ،ٹاہلی والا ،لویری والا تک ،وزیر آباد سے ہری پور اور لویری والا تک دولت آباد اور وزیرآباد شہر تک سڑکوں کو تعمیر کریں گے انہوں نے کہا کہ ہماری اور آپ کی وزیر اعلی مریم نواز کا مشن ہے کہ دیہی علاقوں کی سڑکوں کی کارپٹ سڑکیں بنیں تاکہ ہمارے دیہی علاقہ جات کے طلبہ کو اسکولز تک جانے میں آسانی میسر ہو اور کسانوں کی اجناس باآسانی منڈیوں تک پہنچ سکیں تقریب سے چوہدری امتیاز اظہر باگڑی ،عنصر محمود سندھو ،سردار اقبال چیمہ آف عزیز چک ،چوہدری ضیاء اللہ چیمہ ،جمشید سلطان گھمن ایڈووکیٹ ،زبیر گوندل ،میاں شہباز احمد ،حافظ ساجد تارڑ،ادریس سپال و دیگر نے بھی خطاب کیا ۔