فراڈ کیس: سابق وفاقی وزیر فواد چوہدری کے وارنٹ گرفتاری جاری

اسلام آباد (جانوڈاٹ پی کے)اسلام آباد ڈسٹرکٹ اینڈ سیشن کورٹس نے فراڈ کے ایک مقدمے میں سابق وفاقی وزیر فواد چوہدری کے وارنٹ گرفتاری جاری کر دیے ہیں۔ یہ احکامات جوڈیشل مجسٹریٹ شائستہ کنڈی نے کیس کی سماعت کے دوران جاری کیے۔

عدالتی کارروائی کے دوران فواد چوہدری عدالت میں پیش ہوئے، تاہم مدعی مقدمہ کی مسلسل غیر حاضری کے باعث عدالت نے وارنٹ گرفتاری جاری کرنے کا حکم دیا۔ عدالت نے واضح کیا کہ مقدمے کی آئندہ سماعت پر فریقین کی جانب سے بریت کی درخواستوں پر دلائل سنے جائیں گے۔

عدالت نے کیس کی مزید سماعت 3 فروری تک ملتوی کر دی ہے۔ یاد رہے کہ فواد چوہدری کے خلاف یہ مقدمہ تھانہ آبپارہ میں درج ہے، جس میں فراڈ کے الزامات عائد کیے گئے ہیں۔