فیصل آباد: پیسے دئیے بغیر مونگ پھلی اٹھا کر کھانے سے منع کرنے پر گاہک نے ریڑھی بان کو قتل کر دیا
فیصل آباد(جانوڈاٹ پی کے)فیصل آباد میں مونگ پھلی اٹھا کر کھانے سے منع کرنے پر گاہک نے مونگ پھلی فروش کو قتل کر دیا۔
یہ واقعہ فیصل آباد کی ڈی ٹائپ کالونی میں پیش آیا۔پولیس کے مطابق ملزم مدثر نے پیسے دیے بغیر ریڑھی سے مونگ پھلی اٹھا کر کھائی ، منع کرنے پر فائرنگ کردی۔
پولیس کا کہنا ہے کہ فائرنگ کے نتیجے میں ریڑھی والا جاں بحق اور اس کا بھائی زخمی ہوگیا۔
واقعے کےخلاف ورثا نے احتجاج کیا جبکہ پولیس نے مقدمہ درج کرکے ملزم کی تلاش شروع کردی ہے۔
