کرکٹ آسڑیلیا نےقانون توڑ دیا،سب کھلاڑیوں کو فون دیدیئے،بونڈی بیچ حملے نے بگ بیش کو ہلادیا

سڈنی(جانو ڈاٹ پی کے)سڈنی حملے نے کرکٹ آسڑیلیا کو بھی ہلا کر رکھ دیا۔کرکٹ آسٹریلیا نے قانون توڑ کر کرکٹرز کو فون دیدیے۔آسٹریلوی شہر سڈنی کے ساحل پر فائرنگ کے واقعے کے بعد کرکٹ آسٹریلیا نے سب قانون توڑڈالے۔ آسٹریلوی میڈیا کے مطابق سڈنی میں جب فائرنگ کا واقعہ پیش آیا اس وقت پرتھ میں بی بی ایل کے پہلے میچ میں سڈنی سکسرز پرتھ اسکارچر کے مد مقابل تھی اور سڈنی سکسرز کے کھلاڑی وارم اپ کررہے تھے۔

فائرنگ کا واقعہ پیش آنے کے بعد بگ بیش لیگ کی ٹیم سڈنی سکسرز کے کھلاڑیوں کو فون دے دیے گئے،کھلاڑیوں کو فیملیز اور قریبی عزیز و اقارب کی خیریت دریافت کرنے کے لیے فون دیے گئے۔اینٹی کرپشن کوڈ کے تحت میچ سے قبل یا دوران میچ فون کا استعمال منع ہے،لہٰذا اس دوران کھلاڑیوں اور سپورٹ اسٹاف سے میچ سے قبل فون سیٹ لے لیے جاتے ہیں۔فائرنگ کا واقعہ پیش آنے کے بعد سڈنی سکسرز کے کھلاڑیوں کے لیے قانون میں نرمی کی گئی اور انہیں فیملیز اور دوستوں کو فون کرنے کے لیے فون دے دیے گئے۔