کرسمس پر اسرائیلی پولیس کا فلسطینی مسیحی برادری پر تشدد، بیت لحم میں گرفتاریاں اور کرسمس ٹری کو آگ لگا دی
تل ابیب(جانوڈاٹ پی کے)اسرائیلی پولیس اور یہودی آباد کاروں کی جانب سے کرسمس کے موقع پر بھی مسیحی برادری کے خلاف کارروائیاں کی گئیں۔
اسرائیلی پولیس نے حیفا اور مغربی کنارے میں واقع شہر بیت لحم میں کرسمس کی خوشیاں مناتے لوگوں پر شدید تشدد کیا اور کئی افراد کو گرفتار بھی کیا۔
سوشل میڈیا پر گردش کرنے والی ویڈیوز میں دیکھا جا سکتا ہے کہ پولیس اہلکار سانتا کلاز کے لباس میں ملبوس شہریوں کو زبردستی گرفتار کر رہی ہیں۔
مقبوضہ مغربی کنارے میں اسرائیلی آباد کاروں نے کرسمس ٹری کو آگ لگا دی۔
فلسطینی شہریوں کے حقوق کے لیے کام کرنے والے ادارے موساوا سینٹر کا کہنا ہے کہ اسرائیلی پولیس نے اچانک موسیقی ہال میں داخل ہو کر تقریب رکوا دی اور وہاں موجود سامان بھی ضبط کر لیا۔
دوسری جانب مقبوضہ مغربی کنارے میں اسرائیلی پابندیوں کے باوجود فلسطینی مسیحی برادری کرسمس کی تقریبات منا رہی ہے۔ رپورٹ کے مطابق بیت اللحم میں25 دسمبر کی تقریبات غزہ پر جنگ کے آغاز کے بعد پہلی مرتبہ منعقد ہوئیں۔
Israeli police raided New Year celebrations in Haifa, Palestine, assaulted participants, including those dressed as Santa Claus, and detained several Palestinian Christians.
Fund honest independent Muslim journalism: https://t.co/mh7oRfNDIu pic.twitter.com/PwAiCsqjs6
— Islam Channel (@Islamchannel) December 25, 2025
