چین کی امدادی سامان کی چوتھی کھیپ کراچی پہنچ گئی

کراچی(جانوڈاٹ پی کے) چین کی جانب سے پاکستان کے لیے امدادی سامان کی چوتھی کھیپ بذریعہ بحری جہاز کراچی پہنچ گئی ہے۔

نیشنل ڈیزاسٹر اینڈ منیجمنٹ اتھارٹی(این ڈی ایم اے) کے مطابق چین کی جانب سے بھیجی گئی حالیہ امدادی کھیپ میں 1000 سلیپنگ بیگز،14ہزار خیمےاور12ہزار کمبل شامل ہیں ۔

امدادی سامان کو ٹرکوں کے ذریعے این ڈی ایم اے کے کراچی ویئرہاوس پہنچا دیا گیا ہے۔

اس سے قبل26دسمبر2025کو چین کی جانب سے آنے والی تیسری امدادی کھیپ میں 100 کشتیاں، 5ہزارخیمے اور8ہزارکمبل شامل تھے جبکہ اکتوبر2025 کو آنے والی دوسری کھیپ میں 16ہزار کمبل،700 خیمے، 1000 لائیف جیکٹ اور4ہزارسلیپنگ بیگ شامل تھےاور 28ستمبر2025 کو آنے والی پہلی امدادی کھیپ میں 9ہزارکمبل اور 300 خیمے شامل تھے۔

چین سے 4امدادی کھیپوں میں مجموعی طور پر45ہزار کمبل، 20ہزارخیمے،100 کشتیاں،ایک ہزارلائیف جیکٹ اور 5ہزار سلیپنگ بیگز موصو ل ہو چکے ہیں۔