امریکاکے 5بڑے اہم مقامات پر حملوں کا منصوبہ ناکام،4 مشتبہ افراد گرفتار

کیلیفورنیا(جانوڈاٹ پی کے)امریکی ریاست کیلیفورنیا میں دہشت گردی کا منصوبہ ناکام بنا دیا گیا۔

خبر رساں ایجنسی کے مطابق امریکی فیڈرل بیورو آف انویسٹی گیشن (ایف بی آئی) نے لاس اینجلس اور اورنج کاؤنٹی میں امیگریشن ایجنٹس اور گاڑیوں سمیت متعدد اہداف کو بم سے نشانہ بنانے کی سازش ناکام بنا دی۔

ایف بی آئی کا کہنا ہے کہ 4 مشتبہ افراد کو گرفتار کرلیا گیا ہے۔

ایف بی آئی کے مطابق مشتبہ افراد نے لاس اینجلس میں سال نو کی تقریبات میں دہشت گردی کا منصوبہ بنایا تھا۔

حکام کا کہنا ہے کہ  مشتبہ افراد  کا لاس اینجلس میں  سال  نو کے موقع پر  2 امریکی کمپنیوں کو نشانہ بنانے سمیت 5 مختلف مقامات پر دھماکا خیز مواد نصب کرنے کا ارادہ تھا۔