بلاول بھٹو کیلیے نازیبا الفاظ استعمال کرنے والے کیخلاف مقدمہ درج

حیدرآباد (جانوڈاٹ پی کے) پاکستان پیپلز پارٹی کے چیئرمین بلاول بھٹو زرداری کے خلاف نازیبا الفاظ استعمال کرنے پر مقدمہ درج کر لیا گیا۔

نجی ٹی وی کے مطابق پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری کیخلاف نازیبا الفاظ استعمال کرنے پر حیدرآباد کے تھانہ ہٹڑی میں درج کر لیا گیا ہے۔

یہ مقدمہ پی پی پی کی ذیلی تنظیم پیپلز اسٹوڈنٹس فیڈریشن کے مقامی رہنما کی مدعیت میں درج کیا گیا ہے۔

درج مقدمہ کے متن کے مطابق ہالا ناکا روڈ پر پی پہی طلبہ ونگ کی جانب سے استقبالیہ کیمپ قائم کیا گیا تھا کہ گاڑی سوار نامعلوم شخص مسلح گارڈز کے ہمراہ آیا اور پارٹی بینرز اور جھنڈے چھین لیے۔

متن میں مزید کہا گیا ہے کہ نامعلوم شخص پی پی چیئرمین بلاول بھٹو زرداری کیخلاف نازیبا الفاظ کہتے ہوئے وہاں سے فرار ہو گیا۔