بلاول بھٹو کا شازیہ مری کے ساتھ شرمناک رویہ!
کراچی(خصوصی رپورٹ:جانو ڈاٹ پی کے)پاکستان کے معاشی حالات اور سیاسی ایوانوں میں ہلچل مچانے والے حقائق سامنے آئے ہیں جہاں اسٹیٹ بینک کے تازہ ترین اعداد و شمار نے پوری قوم کے ہوش اڑا دیے ہیں۔ رپورٹ کے مطابق پاکستان پر مجموعی قرضوں اور واجبات کا حجم 97 ہزار 307 ارب روپے کی تاریخی سطح تک جا پہنچا ہے، جس میں صرف ایک سال کے دوران ساڑھے سات ہزار ارب روپے سے زائد کا ریکارڈ اضافہ ہوا ہے۔ ملک کا مقامی قرضہ 57 ہزار ارب سے تجاوز کر چکا ہے جبکہ غیر ملکی قرضوں کا بوجھ بھی 35 ہزار ارب روپے سے زائد ہو گیا ہے، جو ملک کے دیوالیہ ہونے کے خطرات کی سنگین تصویر پیش کر رہا ہے۔ اس معاشی تباہی کے بیچ سیاسی میدان سے ایک انتہائی افسوسناک واقعہ سامنے آیا ہے جس نے اخلاقیات کے دعووں کی قلعی کھول دی ہے۔ پارلیمانی اجلاس کے بعد میڈیا سے گفتگو کے دوران پیپلز پارٹی کے چیئرمین بلاول بھٹو زرداری نے اپنی ہی پارٹی کی سینیئر رہنما شازیہ مری کے ساتھ انتہائی تضحیک آمیز رویہ اختیار کیا۔ جب شازیہ مری نے ایک سوال کی وضاحت میں مدد کرنا چاہی تو بلاول بھٹو نے کیمروں کے سامنے سخت لہجے میں انہیں جھڑک کر خاموش کرا دیا، جس پر سینیئر خاتون رہنما کو سب کے سامنے معذرت کرنا پڑی۔ اس واقعے کی ویڈیو وائرل ہونے کے بعد عوامی اور صحافتی حلقوں میں شدید غم و غصہ پایا جا رہا ہے اور اسے سیاسی تمیز و تہذیب کا جنازہ قرار دیا جا رہا ہے۔
