برسلز میں کسانوں کا احتجاج، سڑکیں آلوؤں سے بھر گئیں، شہریوں نے آلو جمع کر لیے
برسلز(جانو ڈاٹ پی کے)برسلز میں کسانوں کے ایک بھرپور احتجاج کے دوران اس وقت دلچسپ اور غیر معمولی مناظر دیکھنے میں آئے جب مظاہرین نے اپنی ناراضی کے اظہار کیلئے سڑکوں پر بڑی تعداد میں آلو پھینک دیے۔یہ احتجاج زرعی پالیسیوں، بڑھتے ہوئے اخراجات اور کسانوں کے مطالبات پر عدم توجہ کے خلاف کیا گیا تھا، جس کے باعث شہر کی اہم شاہراہیں عارضی طور پر آلوؤں سے بھر گئیں۔احتجاج کے بعد جب صورتحال قدرے معمول پر آئی تو مقامی رہائشی سڑک کناروں پر بکھرے آلو دیکھ کر انہیں ضائع ہونے سے بچانے کے لیے جمع کرنے لگے۔ کئی شہری تھیلے اور ڈبے لے کر سڑکوں پر آئے اور آلو اٹھا کر اپنے گھروں کو لے گئے۔ اس دوران کچھ لوگوں نے اس منظر کو کیمروں میں محفوظ کیا جو بعد میں سوشل میڈیا پر تیزی سے وائرل ہو گیا۔
🔴 برسلز میں کسانوں کی جانب سے سڑکوں پر آلو پھینکے جانے کے بعد، مقامی رہائشی سڑک کناروں سے آلو جمع کرنے لگے۔ pic.twitter.com/vaLSahDMmX
— RTEUrdu (@RTEUrdu) December 18, 2025
شہریوں کا کہنا تھا کہ خوراک کو ضائع ہونے سے بچانا بہتر ہے، جبکہ بعض نے اسے مہنگائی کے دور میں ایک غیر متوقع فائدہ قرار دیا۔ دوسری جانب حکام نے ٹریفک کی بحالی اور صفائی کے لیے عملہ تعینات کر دیا تاکہ معمولاتِ زندگی متاثر نہ ہوں۔
