سہیل آفریدی کا دورہ سندھ بہت اچھا رہا لیکن سندھ حکومت کا رویہ جمہوری نہیں تھا، بیرسٹر گوہر
اسلام آباد(جانوڈاٹ پی کے)پاکستان تحریک انصاف کے چیئرمین بیرسٹر گوہر نے حکومت کو تنقید کا نشانہ بنایا ہے۔
پارلیمنٹ کے باہرمیڈیا سے گفتگو میں بیرسٹر گوہر کا کہنا تھاکہ سال نیا ہے لیکن پاکستان کے مسائل وہی پرانے ہیں، سہیل آفریدی کا دورہ سندھ بہت اچھا رہا لیکن سندھ حکومت کا آخری دن کا رویہ جمہوری نہیں تھا۔
انہوں نے کہا کہ سندھ حکومت کو ٹوپی اور اجرک کا خیال رکھنا چاہیے تھا۔
بیرسٹرگوہر کا کہنا تھاکہ حکومت اب سپراسپیڈ سے نکل کر ونڈربوائے کی متلاشی ہوگئی ہے، حکومت جلد اپوزیشن لیڈرکا نوٹیفکیشن کردے،کہیں ہوم الون کا شکارنہ ہوجائے۔
