آسانی سے قرض لو اور گاڑی خریدو!بینکوں نے کار لون میں اضافہ کردیا

کراچی(جانو ڈاٹ پی کے)گاڑیوں کی خریداری کیلئے بینکوں کی جانب سے قرضہ جات کی فراہمی میں نومبر کے دوران اضافہ ریکارڈ کیا گیا ہے۔اعدادوشمارکے مطابق نومبرمیں گاڑیوں کی خریداری کیلئے بینکوں کی جانب سے فراہم کردہ قرضہ جات کا حجم318ارب روپے ریکارڈ کیا گیا جو گزشتہ سال نومبر کے مقابلہ میں 35.5فیصدزیادہ ہے۔گزشتہ سال نومبرمیں گاڑیوں کی خریداری کیلئے بینکوں کی جانب سے فراہم کردہ قرضہ جات کاحجم 235ارب روپے ریکارڈ کیا گیا تھا، اکتوبرکے مقابلہ میں نومبرمیں گاڑیوں کی خریداری کیلئے بینکوں کی جانب سے فراہم کردہ قرضہ جات میں ماہانہ بنیادوں پر0.8فیصدکااضافہ ہوا۔اکتوبرمیں گاڑیوں کی خریداری کیلئے بنکوں کی جانب سے 315ارب روپے کے قرضہ جات فراہم کئے گئے جونومبرمیں بڑھ کر318ارب روپے ہوگئے۔