ڈھاکہ کیپٹلز کے کوچ دوران ٹریننگ دل کا دورہ پڑنے سے انتقال کرگئے

ڈھاکہ(مانیٹرنگ ڈیسک) بنگلہ دیش پریمیئر لیگ کی ٹیم ڈھاکہ کیپٹلز کے کوچ محبوب علی ٹریننگ کے دوران دل کا دورہ پڑنے سے انتقال کر گئے۔

بنگلہ دیشی میڈیا کے مطابق محبوب علی میچ سے قبل گراؤنڈ میں کھلاڑیوں کو ٹریننگ کروا رہے تھے کہ اسی دوران انہیں دل کا دورہ پڑا جو جان لیوا ثابت ہوا۔

میڈیا رپورٹس میں بتایا گیا ہے کہ محبوب علی کو گراؤنڈ میں سی پی آر دی گئی مگر وہ جانبر نہ ہوسکے، ڈھاکہ کیپٹلز کے اسسٹنٹ کوچ کو گراؤنڈ سے ایمبولینس کے ذریعے ہسپتال منتقل کیا گیا جہاں انہیں جاں بحق قرار دیا گیا۔

بنگلادیش پریمیئر لیگ میں آج سلہٹ میں ڈھاکا کیپٹلز اور راج شاہی وارئیرز کے درمیان میچ کھیلا جا رہا ہے۔