بنگلہ دیش نے ٹی ٹوئنٹی ورلڈ کپ کے لیے بھارتی اہلکار کو ویزا دینے سے انکار کر دیا
ڈھاکہ (جانوڈاٹ پی کے) بنگلہ دیش نے ٹی ٹوئنٹی ورلڈ کپ کے وینیوز کے معاملے پر دورہ کرنے والے آئی سی سی وفد میں شامل بھارتی اہلکار کو ویزا دینے سے انکار کر دیا۔
بھارتی میڈیا کے مطابق آئی سی سی کے دو رکنی وفد میں ہیڈ آف اینٹی کرپشن اینڈ سکیورٹی اینڈریو ایپہگریو اور بھارت سے تعلق رکھنے والے سینئر ایگزیکٹو شامل تھے۔ بنگلہ دیش نے صرف اینڈریو ایپہگریو کو ویزا جاری کیا، جبکہ بھارتی اہلکار کو ویزا دینے سے انکار کر دیا گیا۔
آئی سی سی وفد کا دورہ ورلڈ کپ کے وینیوز کی ممکنہ تبدیلی پر بات چیت کے لیے کیا جانا تھا۔ بھارتی میڈیا کے مطابق اینڈریو ایپہگریو دو روزہ دورے پر آج بنگلہ دیش پہنچیں گے۔
واضح رہے کہ بنگلہ دیش نے سیکیورٹی خدشات کے باعث ورلڈ کپ کے لیے بھارت نہ جانے کا اعلان کر رکھا ہے۔
