بھارتی گلوکار بادشاہ نے پہلی بیوی سے علیحدگی کے 6 سال بعد دوسری شادی کرلی

ممبئی(جانوڈاٹ پی کے) بھارت کے معروف ریپر و گلوکار بادشاہ نے پہلی بیوی سے علیحدگی کے 6 سال بعد دوسری شادی کرلی ۔

بھارتی میڈیا کی رپورٹس کے مطابق بادشاہ نے پہلی بیوی جیسمن مسیح سے طلاق کے چھ سال بعد پنجابی اداکارہ ایشا ریکھی سے شادی کی۔

ایشا ریکھی کی والدہ پونم ریکھی نے انسٹاگرام پر تصاویر اور ویڈیوز شیئر کیں جن میں بادشاہ اور ایشا روایتی شادی کے رسومات ادا کرتے نظر آ رہے ہیں۔

اس موقع پر بادشاہ نے سبز کُرتا اور سنہری پگڑی پہن رکھی تھی جبکہ ایشا سرخ عروسی لباس اور روایتی زیورات میں نظر آئیں۔

انسٹاگرام پوسٹ پر مداحوں نے مبارکباد کے پیغامات دیے اور جوڑے کے لیے نیک خواہشات کا اظہار کیا۔

بھارتی میڈیا کے مطابق ادتیہ پرتیک سنگھ سسودیا المعروف بادشاہ کی پہلی شادی جیسمن مسیح سے 2020 ہوئی تھی، ان کی ایک بیٹی جیسیمی گریس مسیح سنگھ ہے جو لندن میں رہائش پذیر ہے۔