بابر اعظم نے پاکستان کی تاریخ میں سب سے زیادہ کیچز کا اعزاز حاصل کرلیا

راولپنڈی(جانوڈاٹ پی کے)سابق  پاکستانی کپتان بابراعظم نے ایک اوراعزاز حاصل کرلیا ہے۔

بابر اعظم نے پاکستان کی جانب سے سب  سے  زیادہ  انٹرنیشنل میچز میں کیچز لینے والے کھلاڑیوں میں سابق کپتان شاہد آفریدی کو پیچھے چھوڑ دیا ہے۔

بابر اعظم نے  یہ اعزاز  راولپنڈی میں سری لنکا کے خلاف سہ ملکی ٹی ٹوئنٹی سیریز کے فائنل میں کوشل مینڈس کا کیچ پکڑ کر حاصل کیا۔

فائنل میچ میں بابراعظم نے 3 کیچ پکڑے اور 170 انٹرنیشنل کیچز کے ساتھ شاہد آفریدی کو پیچھے چھوڑ دیا جنہوں نے اپنے کریئر میں167 کیچ  کیے۔

فہرست میں پہلے نمبر پر سابق کپتان یونس خان ہیں جنہوں نے 281 کیچ کیے ۔ دوسرے نمبر پر سابق کپتان انضمام الحق ہیں جنہوں نے اپنے کریئر میں 194 کیچ کیے جب کہ شاہد آفریدی تیسرے سے چوتھے نمبر پر آگئے ہیں۔

اس کے علاوہ سری لنکا کے خلاف ٹی ٹوئنٹی سیریز کے فائنل میچ میں بابراعظم 3 کیچ پکڑ کر ٹی ٹوئنٹی فارمیٹ میں پاکستان کی جانب سے سب سے زیادہ کیچ پکڑنے والے فیلڈر بھی بن گئے ہیں۔

بابراعظم  فخر زمان کو پیچھے چھوڑتے ہوئے 60 کیچز کے ساتھ پہلے نمبر پر آگئے ہیں جب کہ فخز زمان 57 کیچز کے ساتھ دوسرے اور شعیب ملک 50 کیچز کے ساتھ تیسرے نمبر پر ہیں۔