صدر زرداری کی کربلا میں روضہ امام حسین علیہ السلام پر حاضری

کربلا (جانوڈاٹ پی کے) صدر مملکت آصف علی زرداری نے کربلا میں روضہ حضرت امام حسین علیہ السلام اور حضرت عباس بن علی علیہ السلام پر حاضری دی۔

اس موقع پر گورنر کربلا ڈاکٹر نصیف جاسم الخطابی بھی صدرِ پاکستان کے ہمراہ تھے، صدر مملکت نے دونوں مقامات پر فاتحہ خوانی کی اور نوافل ادا کیے، انہوں نے حضرت امام حسین علیہ السلام کی قربانی کو حق، عدل اور استقامت کی ابدی علامت قرار دیا۔

صدر آصف علی زرداری نے امتِ مسلمہ کے امن، اتحاد اور سلامتی کے لیے دعا کی، انہوں نے روضہ حضرت امام حسین علیہ السلام پر گفتگو کرتے ہوئے ان کی تعلیمات کو حق، عدل اور انسانیت کے لیے رہنما قرار دیا۔

حاضری کے موقع پر صدر مملکت آصف علی زرداری نے دونوں مزارات کے منتظمین اور مبلغین سے ملاقات بھی کی۔