38 سال کی عمر میں ڈیبیو کرنیوالے آصف آفریدی نے پہلے میچ میں ہی 92 سال پرانا ریکارڈ توڑ دیا

راولپنڈی(جانوڈاٹ پی کے)جنوبی افریقہ کے خلاف راولپنڈی میں کھیلے جانے والے دوسرے ٹیسٹ میچ میں ڈیبیو کرنے والے قومی کرکٹر آصف آفریدی نے اپنے پہلے میچ میں ہی منفرد اعزاز اپنے نام کرلیا۔

جنوبی افریقہ کے خلاف پنڈی ٹیسٹ میں ڈیبیو کرنے والے سپنر آصف آفریدی نے انگلینڈ کے چارلس میریٹ کا 92 سال پرانا ریکارڈ توڑ دیا۔

بائیں ہاتھ کے سپنر آصف آفریدی ڈیبیو پر 5 وکٹیں لینے والے معمر ترین کرکٹر بن گئے۔

ان سے قبل انگلینڈ کے چارلس میریٹ نے 1933 میں 37 سال 332 دن کی عمر میں ڈیبیو پر 5 وکٹیں حاصل کی تھی۔

خیال رہے کہ راولپنڈی ٹیسٹ کے آغاز کے وقت آصف آفریدی کی عمر 38 سال 299 دن تھی۔