عالمی نمبر ون ویمنز ٹینس پلیئر ارینا سبالنکا کی ڈانس ویڈیو وائرل
دبئی (مانیٹرنگ ڈیسک) عالمی نمبر ون ویمنز ٹینس پلیئر ارینا سبالنکا کی ڈانس ویڈیو وائرل ہوگئی۔
2025 میں ہونے والے مشہور بیٹل آف سیکسس ٹینس میچ کے دوران، عالمی نمبر ون ٹینس کھلاڑی ارینا سبالنکا نے کورٹ پر غیر معمولی اور تفریحی انداز میں مکاریانا ڈانس کیا، جس سے ناصرف حاضرین بلکہ مداح بھی حیران رہ گئے۔
یہ لمحہ میچ کے دوران ایک ہلکی پھلکی اور خوشگوار فضاء پیدا کرنے والا تھا جو سوشل میڈیا پر بھی تیزی سے وائرل ہوگیا، سبالنکا کے اس مزاحیہ اور پُرجوش اقدام نے اس میچ میں جوش و خروش اور تفریح کا رنگ دوبالا کر دیا۔
علاوہ ازیں وہ اس سے پہلے بھی ٹینس مقابلوں کے دوران ڈانس کرتی رہی ہیں جبکہ آسٹریلین اوپن کے دوران بھی سبالنکا کی ڈانس کرنے کی ویڈیو بہت وائرل ہوئی تھی۔
