سہیل آفریدی کی تقریر زمینی حقائق کے خلاف تھی، انجیئنر امیر مقام

پشاور(جانوڈاٹ پی کے) مسلم لیگ ن خیبرپختونخوا کے صدر انجینئر امیر مقام نے کہا ہے کہ وزیرِ اعلیٰ خیبرپختونخوا اپنے صوبے کے ہسپتالوں اور صحت بحران پر بات سے گریزاں ہیں، سہیل آفریدی کی تقریر زمینی حقائق کے خلاف تھی۔

اپنے بیان میں امیر مقام کا کہنا تھا کہ زیرو کرپشن کے دعوؤں کے باوجود بی آر ٹی اور صحت کارڈ سکینڈلز سامنے آئے ہیں، اسی طرح بلین ٹری، گندم اور دیگر سکینڈلز نیب وعدالتی رپورٹس میں موجود ہیں۔

انہوں نے صوبائی حکومت پر تنقید کرتے ہوئے کہا کہ خیبر پختونخوا میں سب کچھ شفاف ہے تو نوجوان دربدر کیوں ہیں؟

امیر مقام کا مزید کہنا تھا کہ مریم نواز آئینی اور منتخب وزیرِاعلیٰ ہیں، ان پر ذاتی حملے ناکامی کا ثبوت ہیں، سہیل آفریدی کی تقریر زمینی حقائق کے خلاف تھی، عوام نعروں اور دھمکیوں سے آگے بڑھ چکے ہیں اور ریاست کو بلیک میل کرنے کی سیاست اب نہیں چلے گی۔