شادی کی ایکسپائری: کاجول کے بیان کے بعد اجے دیوگن بھی بول پڑے

ممبئی (مانیٹرنگ ڈیسک)بالی ووڈ کی معروف اداکارہ کا جول شادی کی ایک ایکسپائری ڈیٹ سے متعلق بیان کے بعد اب ان کے شوہر اداکار اجے دیوگن نے بھی خاموشی توڑ دی ہے اور تمام حقائق بیان کردیئے ہیں

میڈیا رپورٹس کے مطابق گزشتہ دنوں اداکارہ ٹوئینکل کھنہ کے شو شرکت کے دوران کاجول کا کہنا تھا کہ شادی ایک معیّن مدت کے لیے ہونا چاہیے جس کے بعد اسے تجدید کرنے کا اختیار ہو۔

کاجول کے اس بیان کے وائرل ہوتے ہی اجے دیوگن کا بھی اس پر ردعمل سامنے آگیا ہے۔ انہوں نے کہا کہ جہاں تک میں دیکھتا ہوں، محبت پہلے سے کہیں زیادہ معمولی ہو گئی ہے۔

انہوں نے کہا کہ لفظ ‘محبت’ کو اتنا بے جا استعمال کیا گیا ہے کہ اس کی اہمیت کم ہو گئی ہے۔ ہمارے دور میں، ‘آئی لو یو‘ کہنے تک کئی مراحل سے گزرنا پڑتا تھا۔ اب لوگ شاید اس کی گہرائی نہیں سمجھتے۔

انہوں نے مزید کہا کہ آج کل محبت کی نوعیت ایسی ہو گئی ہے کہ اسے “پالتو جانوروں” سے محبت کے برابر سمجھا جا سکتا ہے کیونکہ جانور بلا شروط محبت دیتے ہیں۔