اے آئی نے کرکٹ کا میدان بھی سنبھال لیا

کولمبو(سپورٹس ڈیسک)اے آئی نے اب کرکٹ کے میدان میں بھی قدم رکھ لیا۔آئی سی سی نے پچ رپورٹنگ کیلئے جدید اے آئی ٹیکنالوجی کا استعمال شروع کر دیا ہے۔ویمنز کرکٹ ورلڈ کپ2025کے دسویں میچ سے قبل سابق بھارتی کپتان متھالی راج نے گوگل کے جیمنی اے آئی ٹول کیساتھ ملکر پچ رپورٹ پیش کی۔متھالی راج نے اپنے موبائل فون پرفیچر استعمال کرتے ہوئے پچ کو کیمرے سے دکھایا اور اے آئی سے سوال کیاکہ ’’ہم وشاکھا پٹنم کے اے سی اے-وی ڈی سی اے سٹیڈیم میں ہیں،موسم گرم اور مرطوب ہے،آپ کے خیال میں یہ پچ کیسی ہے؟۔جیمنی نے جواب دیا’’پچ ہموار اور بیٹنگ کیلئے سازگار نظر آتی ہے،اس پر گھاس کم ہے،  گرم اور مرطوب موسم کیوجہ سے بال زیادہ سوئنگ نہیں کرے گا، اس لیے میچ میں زیادہ رنز بننے کا امکان ہے۔متھالی راج نے اے آئی کی تجزیاتی رائے سے اتفاق کرتے ہوئے کہا کہ واقعی یہ پچ بیٹنگ کیلئے اچھی ہے اور ایک ہائی اسکورنگ مقابلہ متوقع ہے۔

Mithali Raj and Google Gemini telling us all we need to know about the pitch ahead of the first #CWC25 clash in Vizag. pic.twitter.com/VMjZCyYWEe

— ICC (@ICC) October 9, 2025