بونڈی بیچ حملے کے’’ہیرو‘‘احمدالاحد پر ڈالروں کی بارش،امریکی تاجر نے بڑی رقم عطیہ کردی

سڈنی(جانو ڈاٹ پی کے)بونڈی بیچ حملے کے ہیرو احمد الاحد پر پوری دنیا سے ڈالروں کی بارش ہوگئی۔سانحہ سڈنی میں جرات و بہادری کا مظاہرہ کرنے والے احمد الاحد کیلئے دنیا بھر سے امداد اور انعامات کا سلسلہ جاری ہے۔آسٹریلوی میڈیا کے مطابق معروف امریکی تاجر ولیم ایک مین نے احمد الاحدکیلئے65ہزار امریکی ڈالرز کا عطیہ دیا ہے۔ہیرو احمد الاحد کی مدد کیلئے اب تک تقریباً11لاکھ امریکی ڈالرز سے زائد رقم جمع ہو چکی ہے،معاونت کیلئے آن لائن چندہ مہم تاحال جاری ہے۔آسٹریلوی میڈیا کا کہنا ہے کہ احمد الاحد کے لیے GoFundMeویب سائٹ پر بڑی تعداد میں لوگ عطیات جمع کروا رہے ہیں اور عالمی سطح پر ان کی بہادری کو سراہا جا رہا ہے۔واضح رہے کہ احمد الاحد کی جرات مندانہ کارروائی نے نہ صرف آسٹریلیا بلکہ دنیا بھر میں لوگوں کے دل جیت لیے ہیں، جس کے بعد ان کے لیے مالی امداد اور اعزازات کا سلسلہ تیزی سے بڑھتا جا رہا ہے۔