گٹر میں گر کر جاں بحق ہونےو الی خاتون اور بچی کامقدمہ والد کی مدعیت میں درج،ویڈیو بھی سامنے آگئی

لاہور(جانو ڈاٹ پی  کے)بھاٹی چوک میں ماں اور بچی کے مین ہول میں گر کر جاں بحق ہونے کے واقعے کا مقدمہ والد کی مدعیت میں درج کرلیا گیا۔انتظامیہ اورپولیس کی طرف سے معاملہ دبانے کی کوشش کی گئی، اطلاع دینے والوں کو ہی پکڑ لیا، شوہر اور دو بھائیوں کو چھ گھنٹے حراست میں رکھا۔

سعدیہ کے والد ساجد کی مدعیت میں مقدمہ درج کرلیا،مقدمہ پراجیکٹ مینجراصغرسندھو ،سیفٹی انچارج دانیال،سائیٹ انچارج اینڈ نوازکے خلاف درج کیا گیا، مقدمہ دفعہ 322 کے تحت درج کیا گیا، ایف آئی آر کے متن کے مطابق ملزمان نے مین ہول کھلا چھوڑ کر غفلت و لاپرواہی کی۔ایف آئی آر کے مطابق بیٹے کے فون پر بتایا گیا کہ آپ کی بہن سعدیہ اور ان کی بیٹی مین ہول میں گر گئی ہیں،میرے داماد غلام مرتضیٰ نے بھی بتایا کہ سعدیہ کی ڈیڈ باڈی مل گئی ہے۔